Esther 9:13-15

Ang Biblia (1978)

¹³ Nang magkagayo'y sinabi ni Esther, Kung kinalulugdan ng hari ^(A)ipagkaloob sa mga Judio na nangasa Susan na gawin din bukas ang ayon sa pasiya ng araw na ito, at ang sangpung anak ni Aman ay mabitin sa bibitayan.

¹⁴ At iniutos ng hari na gawing gayon: at ang pasiya ay nabigay mula sa Susan; at kanilang ibinitin ang sangpung anak ni Aman.

¹⁵ At ang mga Judio na nangasa Susan ay ^(B)nagpipisan nang ikalabing apat na araw din ng buwan ng Adar, at nagsipatay ng tatlong daang lalake sa Susan: nguni't ^(C)sa pagsamsam ay hindi sila nangagbuhat na kanilang kamay.