Exodo 24:3-5

Ang Biblia (1978)

³ At lumapit si Moises at isinaysay sa bayan ang lahat ng mga salita ng Panginoon, at ang lahat ng mga palatuntunan. At ang buong bayan ay sumagot ng paminsan, at nagsabi, ^(A)Lahat ng mga salita na sinalita ng Panginoon, ay aming gagawin.

⁴ At ^(B)sinulat ni Moises ang lahat ng mga salita ng Panginoon, at bumangon ng maaga sa kinaumagahan, at nagtayo ng isang dambana sa paanan ng bundok, ^(C)at ng labing dalawang batong pinakaalaala, ayon sa labing dalawang lipi ng Israel.

⁵ At kaniyang sinugo ang mga binata ng mga anak ni Israel, na nagsipaghandog ng mga handog na susunugin at nagsipaghain sa Panginoon ng handog na baka ^(D)tungkol sa kapayapaan.