Exodo 26:32-34

Ang Biblia (1978)

³² At iyong isasampay sa apat na haliging akasia na balot ng ginto, na pati ng kanilang mga pangipit ay ginto rin: na nakapatong sa ibabaw ng apat na tungtungang pilak.

³³ At iyong ibibitin ang lambong sa ilalim ng mga pangalawit, at iyong ipapasok doon sa loob ng lambong ^(A)ang kaban ng patotoo: at paghihiwalayin sa inyo ng lambong ang dakong banal at ang kabanalbanalang dako.

³⁴ At iyong ilalagay ang ^(B)luklukan ng awa sa ibabaw ng kaban ng patotoo sa kabanalbanalang dako.