Exodo 37:10-12

Ang Biblia, 2001

Ang Paggawa ng Hapag^(A)

¹⁰ Ginawa rin niya ang hapag na yari sa kahoy na akasya, na dalawang siko ang haba at isang siko ang luwang at isang siko at kalahati ang taas niyon.

¹¹ Binalot niya iyon ng lantay na ginto, at iginawa niya ng isang moldeng ginto sa palibot.

¹² Iginawa niya iyon ng isang gilid na isang dangkal ang luwang sa palibot, at iginawa ng isang moldeng ginto ang gilid sa palibot.