Ezekiel 17:3-5

Ang Salita ng Dios (Tagalog Contemporary Bible)

³ Sabihin mo sa kanila na ako, ang Panginoong Dios, ay nagsasabi: May malaking agila na lumipad papuntang Lebanon. Malapad ang pakpak nito at malago ang balahibong sari-sari ang kulay. Dumapo siya sa tuktok ng punong sedro, ⁴ pinutol ang umuusbong na sanga at dinala sa lupain ng mga mangangalakal at doon itinanim. ⁵ Pagkatapos, kumuha naman ng binhi ang agila mula sa lupain ng Israel at itinanim sa matabang lupa sa tabi ng ilog at mabilis na tumubo.