Ezekiel 19:8-10

Magandang Balita Biblia

⁸ At nagkaisa laban sa kanya ang mga bansa sa palibot.
Iniumang nila ang kanilang mga lambat
    at siya ay nahulog sa kanilang patibong.
⁹ Siya ay ikinulong nila't dinala sa hari ng Babilonia;
    pinabantayan siyang mabuti.
Mula noon, ang ungal niya'y di na narinig
    sa mga bundok ng Israel.
¹⁰ Ang iyong ina ay tulad ng baging ng ubas,
    itinanim sa tabi ng batis.
Sapagkat sagana sa tubig, kaya ito ay lumago at namunga nang marami.