Ezekiel 28:25-26

Ang Biblia (1978)

Muling pagkatatag ng Israel.

²⁵ Ganito ang sabi ng Panginoong Dios: Pagka ^(A)aking napisan ang sangbahayan ni Israel mula sa mga bayan na kanilang pinangalatan, at ako'y aariing banal sa kanila sa paningin ng mga bansa, ^(B)sila nga'y magsisitahan sa kanilang sariling lupain na aking ibinigay sa aking lingkod na kay Jacob.

²⁶ At sila'y magsisitahang tiwasay roon, ^(C)oo, sila'y mangagtatayo ng mga bahay, at mag-uubasan, at tatahang tiwasay, pagka ako'y nakapaglapat ng mga kahatulan sa lahat na nangagwawalang kabuluhan sa palibot nila: at kanilang malalaman na ako ang Panginoon nilang Dios.