Ezekiel 36:20-22

Ang Biblia (1978)

²⁰ At nang sila'y dumating sa mga bansa, na kanilang ^(A)pinaroonan, kanilang nilapastangan ang aking banal na pangalan; sa pagsasabi ng mga tao tungkol sa kanila, Ang mga ito ay bayan ng Panginoon, at nagsilabas sa kaniyang lupain.

²¹ Nguni't iginalang ko ^(B)ang aking banal na pangalan, na nilapastangan ng sangbahayan ni Israel sa mga bansa na kanilang pinaroonan.

Ang Israel ay babaguhin alangalang sa Panginoon.

²² Kaya't sabihin mo sa sangbahayan ni Israel, Ganito ang sabi ng Panginoong Dios; ^(C)Hindi ko ginawa ito dahil sa inyo, Oh sangbahayan ni Israel, ^(D)kundi dahil sa aking banal na pangalan, na inyong nilapastangan sa mga bansa na inyong pinaroonan.