Ezekiel 47:8-10

Ang Biblia (1978)

⁸ Nang magkagayo'y sinabi niya sa akin, Ang tubig na ito ay lumalabas sa dakong silanganang lupain, at bababa sa Araba; at huhugos sa ^(A)dagat; sa dagat ay huhugos ang tubig na pinalabas; at ang tubig ay mapagagaling.

⁹ At mangyayari, na bawa't likhang may buhay na dumadami, saan mang dako umaagos ang tubig, ay mabubuhay; at magkakaroon ng totoong napakaraming isda; sapagka't ang tubig na ito ay dumarating diyan at ang tubig ng dagat ay mapagagaling, at bawa't may buhay ay mabubuhay saan man dumating ang ilog.

¹⁰ At mangyayari, na ang mga mangingisda ay magsisitayo sa tabi niyaon: mula sa ^(B)En-gedi hanggang sa ^(C)En-eglaim ay magiging dako na ladlaran ng mga lambat; ang mga isda ng mga yaon ay magiging ayon sa pagkakaisda ng mga yaon, gaya ng isda sa malaking dagat, na totoong marami.