Filemon 12-14

Ang Biblia, 2001

¹² Siya'y aking pinababalik sa iyo, na kasama ang aking sariling puso.

¹³ Nais kong manatili siyang kasama ko upang siya'y makatulong sa akin bilang kapalit mo sa panahon ng aking pagiging bilanggo para sa ebanghelyo.

¹⁴ Ngunit ayaw kong gumawa ng anuman na wala kang pahintulot upang ang iyong kabutihang-loob ay hindi maging sapilitan kundi ayon sa sarili mong kalooban.