Filipos 4:3-5

Ang Bagong Tipan: Filipino Standard Version

³ Hinihiling ko rin sa iyo, tapat kong kasama, na alalayan mo ang mga babaing ito. Kasama ko silang nakipaglaban para sa ebanghelyo, kasama rin si Clemente, at iba ko pang mga kamanggagawa. Ang mga pangalan nila ay nasa aklat ng buhay. ⁴ Magalak kayong lagi sa Panginoon. Muli kong sasabihin: Magalak kayo. ⁵ Makilala sana ng lahat ng tao ang inyong kahinahunan. Ang Panginoon ay malapit nang dumating.