Galacia 4:11-13

Ang Salita ng Dios (Tagalog Contemporary Bible)

¹¹ Nag-aalala ako na baka nasayang lang ang lahat ng pagsisikap ko sa inyo.

¹² Nakikiusap ako sa inyo mga kapatid, na tularan ninyo ako, dahil kahit isa akong Judio, tinalikuran ko ang pagsunod sa Kautusan ng mga Judio at naging katulad ninyong hindi Judio.

Wala kayong kasalanan sa akin. ¹³ Alam naman ninyo na ang pagkakasakit ko ang naging dahilan kaya ko naipangaral sa inyo ang Magandang Balita sa unang pagkakataon.