Galat 1:10-12

Nouvo Testaman: Vèsyon Kreyòl Fasil

¹⁰ Lè m pale konsa, èske nou wè m sonnen tankou moun k ap chache fè moun plezi? Non, se Bondye m ap chache fè plezi! Si m t ap chache fè moun plezi, mwen pa t ap yon sèvitè Jezikris.

Levanjil Pòl preche a soti nan Bondye

¹¹ Frè ak sè m yo, mwen vle fè nou konnen Levanjil m ap preche a pa soti nan lòm. ¹² Paske se pa moun ki te ban mwen l, ni se pa moun ki te anseye m li. Se Jezikris ki te fè m konnen Levanjil sa a.