Genesis 26:19-21

Ang Salita ng Dios (Tagalog Contemporary Bible)

¹⁹ Doon sa lambak, naghukay ng bagong balon ang mga alipin ni Isaac at nakatagpo sila ng bukal. ²⁰ Pero nakipagtalo ang mga pastol na taga-Gerar at mga pastol ni Isaac na kanila raw ang balon na iyon. Kaya pinangalanan ni Isaac ang balon na Esek,^[a] dahil nakipagtalo ang mga taga-Gerar sa kanya.

²¹ Muling naghukay ang mga alipin ni Isaac ng ibang balon, pero pinag-awayan din nila ito ng mga taga-Gerar. Kaya pinangalanan ni Isaac ang balon na Sitna.^[b]