Genesis 28:20-22

Magandang Balita Biblia

²⁰ Nangako si Jacob nang ganito: “O Yahweh, kung ako'y sasamahan ninyo at iingatan sa paglalakbay na ito, pakakainin at dadamitan, ²¹ at makakabalik na muli sa bahay ng aking ama, kayo po ang aking magiging Diyos. ²² Sasambahin kayo sa lugar na ito na pinagtayuan ko ng batong alaalang ito, at ibabalik ko sa inyo ang ikasampung bahagi ng lahat ng ipinagkakaloob ninyo sa akin.”