Habakuk 1:8-10

Ang Biblia, 2001

⁸ Ang kanilang mga kabayo ay matutulin kaysa mga leopardo,
    higit na mababangis kaysa panggabing asong-gubat
    at ang kanilang mga mangangabayo ay mabibilis.
Ang kanilang mga mangangabayo ay galing sa malayo;
    sila'y lumilipad na parang agila na nagmamadali upang manakmal.
⁹ Silang lahat ay dumarating para sa karahasan;
    na may mukhang pasulong.
    Kanilang tinitipon ang mga bihag na parang buhangin.
¹⁰ Kanilang tinutuya ang mga hari,
    at ang mga pinuno ay kanilang pinagtatawanan.
Kanilang kinukutya ang bawat tanggulan;
    sapagkat kanilang binubuntunan ang lupa at sinasakop ito.