Habakuk 3:3-5

Magandang Balita Biblia

³ Ang Diyos ay muling nanggaling sa Teman,
    ang Banal na Diyos ay nagmula sa kaparangan ng Paran.
Laganap sa kalangitan ang kanyang kaluwalhatian,
    at puno ang lupa ng papuri sa kanya.
⁴ Darating siyang sinliwanag ng kidlat,
    na gumuguhit mula sa kanyang kamay;
    at doon natatago ang kanyang kapangyarihan.
⁵ Nagpapadala siya ng karamdaman
    at inuutusan ang kamatayan upang sumunod sa kanya.