Hosea 6:11-7:2

Ang Salita ng Dios (Tagalog Contemporary Bible)

¹¹ Kayo ring mga taga-Juda ay nakatakda nang parusahan.

“Gusto ko sanang ibalik ang mabuting kalagayan ng aking mga mamamayan.”

7 “Gusto ko sanang pagalingin ang mga taga-Israel. Pero ang nakikita ko sa kanila^[a] ay ang kanilang mga kasamaan. Nandaraya sila, pinapasok ang mga bahay para nakawan, at nanghoholdap sa mga daan. ² Hindi nila naiisip na hindi ko nakakalimutan ang kanilang mga kasamaan. Hanggang ngayon ay nakatali pa sila sa kanilang mga kasalanan at nakikita kong lahat ito.