Hosea 6:1-3

Ang Salita ng Dios (Tagalog Contemporary Bible)

Hindi Tapat ang Pagsisisi ng Israel

6 Nag-usap-usap ang mga taga-Israel. Sabi nila, “Halikayo! Magbalik-loob tayo sa Panginoon. Sinaktan niya tayo, kaya siya rin ang magpapagaling sa atin. ² Para tayong mga patay na agad niyang bubuhayin. Hindi magtatagal,^[a] at ibabangon niya tayo para mamuhay sa kanyang presensya. ³ Pagsikapan nating makilala ang Panginoon. Siyaʼy tiyak na darating, kasintiyak ng pagsikat ng araw. Darating siya na parang ulan na didilig sa mga lupain.”