Hosea 7:3-5

Ang Salita ng Dios (Tagalog Contemporary Bible)

³ Napapasaya nila ang kanilang hari at mga pinuno sa kanilang kasamaan at kasinungalingan. ⁴ Lahat silaʼy mga taksil.^[a] Para silang mainit na pugon na ang apoy ay hindi na kailangang paningasin ng panadero mula sa oras ng pagmamasa ng harina hanggang sa itoʼy umalsa. ⁵ Nang dumating ang kaarawan^[b] ng kanilang^[c] hari, nilasing nila ang mga opisyal nito. At pati ang hari ay nakipag-inuman na rin sa kanyang mga mapanghusga na mga opisyal.