Hosea 8:7-9

Ang Salita ng Dios (Tagalog Contemporary Bible)

⁷ “Para silang naghahasik ng hangin at nag-aani ng buhawi.^[a] Para ring trigo na walang uhay, kaya walang makukuhang pagkain. At kung mamumunga man, taga-ibang bansa naman ang lalamon nito. ⁸ Ang Israel ay parang nilamon ng ibang bansa. At ngayong nakikisalamuha na siya sa kanila, para na siyang kasangkapang walang silbi. ⁹ Para siyang asnong-gubat na nag-iisa at naliligaw. Humingi siya ng tulong sa Asiria; binayaran niya^[b] ang kanyang mga kakamping bansa para ipagtanggol siya.