Hosea 9:9-11

Magandang Balita Biblia

⁹ Nagpakasamang^(A) lubha ang aking bayan
    gaya ng nangyari sa Gibea.
Gugunitain ng Diyos ang kanilang kalikuan,
    at paparusahan ang kanilang mga kasalanan.

¹⁰ “Ang^(B) Israel ay tulad ng mga ubas sa ilang,
    gayon sila noong una kong matagpuan.
Parang unang bunga ng puno ng igos,
    nang makita ko ang iyong mga magulang.
Ngunit nang magpunta sila sa Baal-peor,
    sila'y naglingkod sa diyus-diyosang si Baal,
    at naging kasuklam-suklam gaya ng diyus-diyosang kanilang inibig.
¹¹ Ang kaningningan ng Efraim ay maglalaho, para itong ibong lumipad na palayo.
    Wala nang isisilang, walang magdadalang-tao, at wala na ring maglilihi.