Hukom 17:7-9

Ang Salita ng Dios (Tagalog Contemporary Bible)

⁷ May isang binatilyong Levita^[a] na nakatira sa Betlehem na sakop ng Juda. ⁸ Isang araw, umalis siya para maghanap ng matitirhan sa ibang lugar. Sa kanyang pag-alis, napadaan siya sa bahay ni Micas sa kabundukan ng Efraim. ⁹ Tinanong siya ni Micas, “Taga-saan ka?” Sumagot siya, “Taga-Betlehem po ako, na sakop ng Juda, at isa po akong Levita. Naghahanap po ako ng matitirhan.”