Hukom 4:22-24

Ang Salita ng Dios (Tagalog Contemporary Bible)

²² Nang dumating si Barak na naghahanap kay Sisera, sinalubong siya ni Jael, at sinabi, “Halika, ipapakita ko sa iyo ang taong hinahanap mo.” Pagpasok ni Barak sa tolda kasama ni Jael, nakita niya roon si Sisera na nakahandusay at patay na, at may tulos na nakabaon sa kanyang ulo. ²³ Nang araw na iyon, pinagtagumpay ng Dios ang mga Israelita laban kay Haring Jabin na Cananeo. ²⁴ Patuloy nilang nilabanan si Jabin hanggang sa mapatay nila ito.