Isaias 34:8-12

Magandang Balita Biblia

⁸ Sapagkat si Yahweh ay may nakatakdang araw ng paghihiganti,
    isang taon ng paghihiganti alang-alang sa Zion.
⁹ Ang mga batis ng Edom ay magiging alkitran,
    at magiging asupre ang kanyang lupa,
    ang buong bansa ay masusunog na parang aspalto.
¹⁰ Araw-gabi'y^(A) hindi ito mamamatay,
    at patuloy na papailanlang ang usok;
habang panaho'y hindi ito mapapakinabangan,
    at wala nang daraan doon kahit kailan.
¹¹ Ang mananahan dito'y mga kuwago at mga uwak.
Ang lupaing ito'y lubusang wawasakin ni Yahweh,
    at iiwang nakatiwangwang magpakailanman.
¹² Doo'y wala nang maghahari
    at mawawala na rin ang mga pinuno.