Isaias 1:24-26

Ang Salita ng Dios (Tagalog Contemporary Bible)

²⁴ Kaya sinabi ng Panginoon, ang Makapangyarihang Dios ng Israel, “Gagaan ang kalooban ko kapag naparusahan ko na kayong mga taga-Jerusalem na aking mga kaaway. ²⁵ Parurusahan ko kayo para magbago kayo, katulad ng pilak na dinadalisay sa apoy. ²⁶ Muli ko kayong bibigyan ng mga pinuno at mga tagapayo, katulad noong una. At ang lungsod ninyo ay tatawaging lungsod ng mga matuwid at tapat na mga tao.”