Isaias 19:1-3

Magandang Balita Biblia

Tingnan ninyo! Nakasakay si Yahweh sa isang mabilis na ulap patungo sa Egipto.
Nanginginig sa takot ang mga diyus-diyosan ng Egipto,
    at ang mga Egipcio'y naduwag.
² Ang sabi ni Yahweh:
“Paglalaban-labanin ko ang mga Egipcio:
    Kapatid laban sa kapatid,
    kasama laban sa kasama,
    lunsod laban sa lunsod, kaharian laban sa kaharian.
³ Masisiraan ng loob ang mga Egipcio,
    at guguluhin ko ang kanilang mga balak,
hihingi sila ng tulong sa mga diyus-diyosan,
    sa mga mangkukulam, sa mga nakikipag-usap sa espiritu ng patay at manghuhula.