Isaias 2:6-8

Magandang Balita Biblia

⁶ Itinakwil mo ang lahi ni Jacob na iyong bayan,
sapagkat ang lupain ay punô ng mga salamangkero^[a] mula sa silangan
    at ng mga manghuhula gaya ng mga Filisteo;
    nakikibagay sila sa kaugalian ng mga dayuhan.
⁷ Sagana ang kanilang lupain sa ginto at pilak,
    at walang pagkaubos ang kanilang kayamanan.
Sa buong lupai'y maraming kabayo,
    at hindi mabilang ang kanilang mga karwahe.
⁸ Punô ng diyus-diyosan ang kanilang bayan;
    mga rebultong gawa lamang, kanilang niyuyukuran,
    mga bagay na inanyuan at nililok lamang.