Isaias 2:7-9

Magandang Balita Biblia

⁷ Sagana ang kanilang lupain sa ginto at pilak,
    at walang pagkaubos ang kanilang kayamanan.
Sa buong lupai'y maraming kabayo,
    at hindi mabilang ang kanilang mga karwahe.
⁸ Punô ng diyus-diyosan ang kanilang bayan;
    mga rebultong gawa lamang, kanilang niyuyukuran,
    mga bagay na inanyuan at nililok lamang.
⁹ Kaya ang mga tao ay hahamakin at mapapahiya;
    huwag mo silang patatawarin!