Isaias 27:3-5

Magandang Balita Biblia

³     “Akong si Yahweh ang nag-aalaga ng ubasang ito
    na dinidilig bawat sandali,
at binabantayan ko araw at gabi
    upang walang manira.
⁴     Hindi na ako galit sa aking ubasan,
ngunit sa sandaling may makita akong mga tinik,
    ang mga ito'y titipunin ko
    at saka susunugin.
⁵ Ngunit kung nais nilang sila'y aking ingatan,
    ang dapat nilang gawin, makipagkasundo sa akin.