Isaias 30:11-13

Ang Biblia, 2001

¹¹ Humiwalay kayo sa daan, lumihis kayo sa landas,
    huwag na tayong makinig sa Banal ng Israel.”
¹² Kaya't ganito ang sabi ng Banal ng Israel,
“Sapagkat inyong hinamak ang salitang ito,
    at nagtiwala kayo sa pang-aapi at kasamaan,
    at umasa sa mga iyon;
¹³ kaya't ang kasamaang ito ay magiging sa inyo'y
    gaya ng butas sa isang mataas na pader, nakalabas at malapit nang bumagsak,
    na biglang dumarating ang pagbagsak sa isang iglap.