Isaias 33:19-21

Ang Biblia, 2001

¹⁹ Hindi mo makikita ang mabagsik na bayan,
    ang bayan na may malabong pananalita na hindi mo maunawaan,
    nauutal sa wika na hindi mo maiintindihan.
²⁰ Narito ang Zion, ang lunsod ng ating mga takdang kapistahan!
    Makikita ng iyong mga mata ang Jerusalem,
    isang tahimik na tahanan, isang tolda na hindi makikilos,
na ang mga tulos ay hindi mabubunot kailanman,
    o mapapatid man ang alinman sa mga tali niyon.
²¹ Kundi doon ang kamahalan ng Panginoon, ay maglalagay para sa atin,
    isang dako ng maluluwang na ilog at batis;
na hindi daraanan ng mga daong na may mga gaod,
    o daraanan man ng malalaking sasakyang-dagat.