Isaias 40:22-24

Magandang Balita Biblia

²²Ang lumikha nito ay ang Diyos na nakaupo sa kanyang trono doon sa kalangitan;
mula roon ang tingin sa tao'y parang mga langgam.
Ang langit ay iniladlad niyang tulad ng kurtina,
tulad ng tolda upang matirahan.

²³Inaalis niya ang mga pinuno sa kapangyarihan,
at ginagawang walang kabuluhan.
²⁴Tulad nila'y mga halamang walang ugat,
bagong tanim at natutuyo agad;
at tila dayaming tinatangay ng hangin.