Isaias 40:24-26

Magandang Balita Biblia

²⁴Tulad nila'y mga halamang walang ugat,
bagong tanim at natutuyo agad;
at tila dayaming tinatangay ng hangin.

²⁵Kanino ninyo ihahambing ang banal na Diyos?
    Mayroon ba siyang katulad?
²⁶Tumingala^(A) kayo sa langit!
Sino ba ang lumikha ng mga bituin?
    Sino ba ang sa kanila'y nagpapakilos,
    at sino ba ang nagbigay ng kanilang pangalan?
Dahil sa kanyang dakilang kapangyarihan,
    walang nawala sa kanila kahit isa man.