Isaias 42:1-3

Ang Salita ng Dios (Tagalog Contemporary Bible)

Ang Lingkod ng Panginoon

42 Sinabi ng Panginoon, “Narito ang lingkod ko na aking pinalalakas ang loob. Pinili ko siya at nagagalak ako sa kanya. Sumasakanya ang aking Espiritu, at papairalin niya ang katarungan sa mga bansa. ² Hindi siya sisigaw o magsasalita nang malakas sa mga lansangan. ³ Hindi niya pababayaan ang mahihina ang pananampalataya^[a] at hindi niya tatalikuran ang mga nawalan ng pag-asa. Matapat niyang papairalin ang katarungan.