Isaias 48:18-20

Ang Salita ng Dios (Tagalog Contemporary Bible)

¹⁸ Kung kayo lamang ay sumunod sa aking mga utos, dumaloy sana na parang ilog ang mga pagpapala sa inyo, at ang inyong tagumpay^[a] ay sunud-sunod sana na parang alon na dumarating sa dalampasigan. ¹⁹ Ang inyo sanang mga lahi ay naging kasindami ng buhangin na hindi mabilang, at tinitiyak kong hindi sila mapapahamak.”

²⁰ Umalis kayo sa Babilonia! Buong galak ninyong ihayag sa buong mundo^[b] na iniligtas ng Panginoon ang kanyang lingkod, ang mga mamamayan ng Israel.^[c]