Isaias 48:20-22

Magandang Balita Biblia

²⁰ Lisanin^(A) ninyo ang Babilonia, takasan ninyo ang Caldea!
Buong galak na inyong ihayag sa lahat ng lugar
    na iniligtas ni Yahweh ang lingkod niyang si Israel.
²¹ Nang patnubayan ni Yahweh ang bayang Israel, sa pagtawid sa malawak at mainit na disyerto,
    hindi ito nauhaw bahagya man
    sapagkat binutas niya ang isang malaking bato, at ang tubig ay bumukal.

²² Ang^(B) sabi ni Yahweh, “Walang kapayapaan ang mga makasalanan!”