Isaias 5:13-15

Magandang Balita Biblia

¹³Kaya nga ang bayan ko ay dadalhing-bihag ng hindi nila nalalaman;
mamamatay sa gutom ang kanilang mga pinuno,
at sa matinding uhaw, ang maraming tao.

¹⁴Ang daigdig ng mga patay ay magugutom;
    ibubuka nito ng maluwang
    ang kanyang bibig.
Lulunukin nito ang mga maharlika ng Jerusalem,
    pati na ang karaniwang tao na nagkakaingay.
¹⁵Ang lahat ng tao'y mapapahiya,
    at ang mayayabang ay pawang ibababa.