Isaias 51:21-23

Ang Biblia, 2001

²¹ Kaya't pakinggan mo ito ngayon, ikaw na nagdadalamhati,
    at lasing, ngunit hindi ng alak.
²² Ganito ang sabi ng iyong Panginoon, ang Panginoon,
    ang iyong Diyos na nagsasanggalang ng usapin ng kanyang bayan:
“Narito, aking inalis sa iyong kamay ang kopa na pampasuray;
    ang kopa ng aking poot;
    hindi ka na muling iinom.
²³ At aking ilalagay ito sa kamay ng mga nagpapahirap sa iyo,
    na nagsabi sa iyong kaluluwa,
    ‘Ikaw ay yumuko upang kami ay makaraan’;
at ginawa mo ang iyong likod na parang lupa,
    at parang lansangan na kanilang madaraanan.”