Isaias 52:13-15

Ang Biblia, 2001

¹³ Narito, ang lingkod ko ay magtatagumpay,
    siya'y dadakilain at itataas,
    at magiging napakataas.
¹⁴ Kung paanong marami ang namangha sa kanya^[a]—
    ang kanyang anyo ay napinsalang lubha, halos hindi na anyo ng tao, na hindi makilalang tao,
    at ang kanyang hugis ay higit kaysa sa mga anak ng mga tao—
¹⁵ gayon^(A) siya magwiwisik sa maraming bansa;
    ititikom ng mga hari ang kanilang mga bibig dahil sa kanya;
sapagkat ang hindi nasabi sa kanila ay kanilang makikita,
    at ang hindi nila narinig ay kanilang mauunawaan.