Isaias 53:11-12

Magandang Balita Biblia

¹¹ Pagkatapos ng mahabang pagdurusa, muli siyang lalasap ng ligaya;
    malalaman niyang hindi nawalan ng kabuluhan ang kanyang pagtitiis.
Ang tapat kong lingkod na lubos kong kinalulugdan
    ang siyang tatanggap sa parusa ng marami,
    at alang-alang sa kanya sila'y aking patatawarin.
¹² Dahil^(A) dito siya'y aking pararangalan,
    kasama ng mga dakila at makapangyarihan;
sapagkat kusang-loob niyang ibinigay ang sarili
    at nakibahagi sa parusa ng masasama.
Inako niya ang mga makasalanan
    at idinalanging sila'y patawarin.”