Jeremias 11:18-20

Ang Salita ng Dios (Tagalog Contemporary Bible)

Ang Balak Laban kay Jeremias

¹⁸ Sinabi sa akin ng Panginoon ang tungkol sa balak ng mga kaaway laban sa akin. ¹⁹ Tulad ako ng isang tupang dinadala sa katayan nang hindi ko nalalaman. Hindi ko alam na may balak pala silang patayin ako. Sinabi nila, “Patayin natin siya katulad ng pagputol sa isang puno na may mga bunga, para mawala siya sa mundo at hindi na maalala.”

²⁰ Pero nanalangin ako, “O Panginoong Makapangyarihan, matuwid po ang paghatol ninyo. Nalalaman po ninyo ang isip at puso ng tao. Ipakita nʼyo po sa akin ang paghihiganti nʼyo sa kanila, dahil ipinaubaya ko sa inyo ang usaping ito!”