Jeremias 14:10-12

Ang Biblia (1978)

Sinasabi ng Panginoon na ang pamamagitan ay walang kabuluhan.

¹⁰ Ganito ang sabi ng Panginoon sa bayang ito, Yamang kanilang inibig ang paglaboy; hindi nila pinigil ang kanilang mga paa: kaya't hindi sila tinatanggap ng Panginoon; ngayo'y aalalahanin niya ang kanilang kasamaan, at dadalawin ang kanilang mga kasalanan.

¹¹ At sinabi ng Panginoon sa akin, ^(A)Huwag mong idalangin ang bayang ito sa kanilang ikabubuti.

^12 (B)Pagka sila'y nangagaayuno, ^(C)hindi ko didinggin ang kanilang daing; at ^(D)pagka sila'y nangaghahandog ng handog na susunugin at ng alay, hindi ko tatanggapin; kundi aking lilipulin ^(E)sila ng tabak, at ng kagutom, at ng salot.