Jeremias 14:14-16

Ang Biblia (1978)

¹⁴ Nang magkagayo'y sinabi ng Panginoon sa akin, Ang mga propeta ay nanghuhula ^(A)ng kasinungalingan sa aking pangalan; hindi ko sila sinugo, o inutusan ko man sila, o nagsalita man ako sa kanila: sila'y nanganghuhula sa iyo ng sinungaling na pangitain, at ^(B)ng panghuhula, at ng bagay na wala, at ng daya ng kanilang sariling puso.

¹⁵ Kaya't ganito ang sabi ng Panginoon tungkol sa mga propeta na nanghuhula sa aking pangalan, at hindi ko sila sinugo, na gayon ma'y ^(C)nagsasabi sila, Tabak at kagutom ay hindi sasapit sa lupaing ito: ^(D)Sa pamamagitan ng tabak at ng kagutom ay malilipol ang mga propetang yaon.

¹⁶ At ang bayan na kanilang pinanghuhulaan ay ihahagis sa mga lansangan ng Jerusalem dahil sa kagutom at sa tabak; ^(E)at walang maglilibing sa kanila—sa kanila, sa kanilang mga asawa, o sa kanilang mga anak na lalake man, o babae man: sapagka't aking ibubuhos sa kanila ang kanilang kasamaan.