Jeremias 14:5-7

Magandang Balita Biblia

⁵ Iniwan na ng inahing usa ang kanyang anak na bagong silang,
    sapagkat wala ng sariwang damo sa parang.
⁶ Umakyat sa mga burol ang mga asnong maiilap,
    humihingal na parang mga asong-gubat;
nanlalabo ang kanilang paningin
    dahil sa kawalan ng pagkain.
⁷ Nagsumamo sa akin ang aking bayan:
    ‘Yahweh, bagaman inuusig kami ng aming mga kasalanan,
    gayunman, kami'y tulungan mo gaya ng iyong pangako.
Tunay na maraming beses na kaming tumalikod;
    kami ay nagkasala laban sa iyo.