Jeremias 2:17-19

Ang Biblia, 2001

¹⁷ Hindi ba ikaw na rin ang nagdala nito sa iyong sarili,
    dahil sa iyong pagtalikod sa Panginoon mong Diyos,
    nang kanyang patnubayan ka sa daan?
¹⁸ At ano ngayon ang napala mo sa pagpunta sa Ehipto,
    upang uminom ng tubig ng Nilo?
O anong napala mo sa pagpunta sa Asiria,
    upang uminom ng tubig ng Eufrates?
¹⁹ Parurusahan ka ng iyong sariling kasamaan,
    at ang iyong pagtalikod ang sa iyo'y sasaway.
Alamin mo at iyong tingnan na masama at mapait
    na iyong talikuran ang Panginoon mong Diyos,
    at ang takot sa akin ay wala sa iyo, sabi ng Panginoong Diyos ng mga hukbo.