Jeremias 2:28-30

Ang Salita ng Dios (Tagalog Contemporary Bible)

²⁸ Bakit? Nasaan na ang mga dios na ginawa ninyo para sa inyong sarili? Tawagin ninyo sila kung kaya nila kayong iligtas sa paghihirap ninyo. Sapagkat napakarami ninyong dios, kasindami ng mga bayan sa Juda. ²⁹ Bakit kayo nagrereklamo sa akin? Hindi baʼt kayo ang naghimagsik sa akin? ³⁰ Pinarusahan ko ang mga anak nʼyo, pero hindi sila nagbago. Ayaw nilang magpaturo. Kayo na rin ang pumatay sa mga propeta nʼyo gaya ng pagpatay ng mabangis at gutom na leon sa kanyang biktima.