Jeremias 2:30-32

Ang Biblia, 2001

³⁰ Sa walang kabuluhan ang mga anak ninyo'y aking sinaktan;
    sila'y hindi tumanggap ng saway.
Nilamon ng inyong sariling tabak ang inyong mga propeta,
    na gaya ng leong mapamuksa.
³¹ At ikaw, O salinlahi, dinggin ninyo ang salita ng Panginoon.
Ako ba'y naging lupang ilang sa Israel,
    o isang lupain ng makapal na kadiliman?
Bakit sinasabi ng aking bayan, ‘Kami ay malaya,
    hindi na kami lalapit pa sa iyo’?
³² Malilimutan ba ng isang dalaga ang kanyang mga hiyas,
    o ng isang ikakasal na babae ang kanyang kasuotan?
Gayunma'y kinalimutan ako ng aking bayan
    sa di mabilang na mga araw.