Jeremias 22:20-22

Ang Biblia, 2001

²⁰ “Umakyat ka sa Lebanon at sumigaw ka,
    ilakas mo ang iyong tinig sa Basan,
at ikaw ay sumigaw mula sa Abarim;
    sapagkat ang lahat mong mangingibig ay nalipol.
²¹ Ako'y nagsalita sa iyo sa iyong kasaganaan,
    ngunit iyong sinabi, ‘Hindi ako makikinig.’
Ito na ang iyong pamumuhay mula sa iyong pagkabata,
    na hindi mo pinakinggan ang aking tinig.
²² Papastulin ng hangin ang lahat mong mga pastol,
    at ang iyong mga mangingibig ay pupunta sa pagkabihag;
kung magkagayon ay mapapahiya ka at malilito
    dahil sa lahat mong kasamaan.