Jeremias 23:22-24

Magandang Balita Biblia

²² Kung tunay nilang natutuhan ang aking mga salita, maipapangaral nila ang aking mensahe sa mga tao at sila'y magsisi at tatalikod sa kanilang masasamang gawa.

²³ “Ako ay Diyos na nasa lahat ng dako, at hindi nananatili sa iisang lugar lamang. ²⁴ Walang^(A) makakapagtago sa akin; makikita ko siya kahit saan siya pumunta. Sapagkat ako'y nasa lahat ng lugar sa langit at sa lupa.